上一篇講咗嚟卡加利之前嘅準備，今個Post講講點樣嚟卡加利同點樣拎OWP。因為香港暫時無直航去卡加利，所以都係靠轉機到達。熱門嘅轉機點有溫哥華、洛杉磯等。但美國轉機要有要美國簽證先可以落地，所以視乎會唔會拎US Visa。我諗大部分人都會揀溫哥華轉機，依個post就分享下成個轉機流程。
✈️Airline：
我揀咗大韓，要轉兩次機。由香港飛首爾，首爾飛溫哥華，溫哥華飛Calgary。記得記得第一個位到加拿大境內，就要拎OWP！！所以記得買個陣要預返時間去整金紙！我提早咗大半年訂，價錢會較合理，大約$6700（Peak可以上到單程萬二蚊)。我咁揀係因為可以落地行下（我未搭過長途機好驚會唔慣），同埋大韓嘅餐點好好食，特別係佢嘅拌飯！加埋啲空姐好靚女，所以我點都會揀大韓。😂而成個trip我總共係用咗差唔多廿個鐘先去到。
✈️行李
我拎嘅行李都唔算多，都係一大一中寄艙，一細再加一大袋野就hand carry。寄艙行李都唔係好重，都係每件23、24kg(根據空姐朋友講，重少少，唔過分都通常俾你過嘅)。只係我hand carry 拎到盡(建議唔好，因為拎死自己lol)。最後我都係無俾任何行李charge，成功帶到廿年幾年人嘅家當過嚟（當然有部分仲要寄過嚟）
我有考慮過要唔要加多件行李拎埋個箱家當嚟，但因為最主要YVR轉YYC個程機係聯乘機(West jet)，我打過去大韓問過，如果加重/加件，香港counter會收錢，而到CA West jet counter都有機會再收Charge(一樣價錢CAD＄200），變相其實會charge double。我知道個陣個人應該攰到做唔到任何decision，所以都係唔想博，寧願等箱野船運過嚟。經過依程機，我覺得我做咗個好正確嘅選擇，因為你真係會攰死唔想理任何野！😂
✈️YVR轉機點樣行？｜OWP點拎？
！! 請save低佢！！
搭咗8個鐘機之後，落到機已經係香港時間凌晨三點幾，個人完全無咩反應，我嘅訴求係瞓覺！(好攰好攰好攰！話說我去到機場先發現唔記得帶頸枕。。。成程機我都瞓唔到，睇咗3套戲。）
依個時候最重要係唔好panic，因為你要拎金紙、拎行李、趕下班機，到目的地盡快瞓覺😂
落到地跟住指示行到Arrival區，*千祈唔好去轉機*，落電梯用機scan passport，入少少資料，佢會出張入境紙俾你，再跟↑向行李區行。
一出行李區唔好拎行李住！！去咗側面office拎OWP先(大件行李不准進入)。如果你驚搵唔到行李可以拎咗先嘅，但通常啲行李無咁快有。入到去先交Passport同入境紙俾關員，再等叫名派OWP。
搞掂就拎埋行李，行去出口交返張入境紙俾關員，行出去再寄多次行李（West Jet counter就係出口位），而Air Canada就要行遠少少。差唔多時間就入去過安檢（都嚴格嘅），就去閘口等上機。
後記：個陣去拎owp因為無咩人，都係用咗15分鐘，連Letter of introduction都無問我拎，就直接出咗張紙俾我。睇之前啲人講都用好耐，結論：Welcome to 運之國😂😂而多咗嘅時間，你都係無野可以做，因為機場係無野俾你行。
Anyway, 睇到依度，希望可以幫到眼瞓嘅你成功入境！
#newtocanada#newtoalberta#newtocalgary#香港人在卡加利#卡加利香港人#卡加利#卡加里生活#加拿大生活#lifeatcalgary#canada#alberta#calgary#yyc#owp#openworkpermit#hkowp#救生艇計劃#加拿大求職#加拿大工作#加拿大搵工#卡加利工作#加拿大生活#卡加利生活#亞省#溫哥華機場#nvrbe資訊篇