時間咁快開始轉涼，作為未體驗過加拿大冬天嘅人，一定要開始準備買衫過冬。講真嘅，依舊錢係我預咗一定要洗。根據以往係韓國生活過嘅經驗，揀一件啱嘅羽絨真係好緊要！唔止要暖，仲要防水防風，最好睇落唔好太頹太核突😂今次我就整合咗我依幾星期睇返嚟嘅資料，share俾係加拿大嘅你，睇吓點樣揀件啱嘅羽絨！
❄️羽絨分類❄️
市面上有好多種類嘅大褸，最緊要係要睇清楚入面嘅用料係咩嚟。棉係其中一樣常見嘅大褸內料，常見有H&M/Zara個啲褸，摸落去會好易起一舊舊，唔鬆軟，基本上都唔駛諗要買嚟過冬，依啲都係只適合初秋時間着。依類褸通常都有啲設計，容易襯衫。不過到冬天真係唔好着啦，唔防水又唔防風。
簡單嚟講，羽絨係件用羽毛整嘅褸，基本上佢唔係發熱令你暖，而係件褸能否困住你身體發出嘅體溫，以及能否抵擋外來寒風/雪令你可以維持體溫。
衡量件褸好定唔好，Fill power（蓬鬆度/填充度）同 Fill weight (充絨量/填充重量)係最重要嘅要素。
Fill Power等於蓬鬆度，代表羽絨嘅品質，亦代表能否靠羽絨填充物去維持自身體溫。fill weight充絨量等於每件褸里面有多少羽絨，它只表示材料的總質量，而唔代表每單位體積的保暖性能。
咁Fill power愈高＝愈暖？並不是。
係Fill power（蓬鬆度/填充度）同 Fill weight (充絨量/填充重量)兩者不同嘅情況下比較，一件Fill weight為340克，550Fill power填充度外套和一件Fill weight填充重量為170克，800Fill power填充度外套可能在保暖性上差不多。因為550填充度的外套會添加更多的絕緣材料來彌補保暖度不足嘅問題。當然，它會較笨重，但是，其他條件相同嘅情況下，它可能會和 800 填充度一樣溫暖。價錢可能更相宜。
而以相同Fill weight (充絨量/填充重量)340克羽絨外套比較下，填充度高達800會比填充度只有550的外套更保暖。
所以揀羽絨係要睇兩大要素：Fill power（蓬鬆度/填充度）同 Fill weight (充絨量/填充重量)，兩者未必愈高愈好，要視乎物料同設計等。
以最高評價嘅羽絨以例：Canada Goose，一件褸都要CAD$1,500-CAD$2,000(HKD$9,000-HKD$12,000)。咁當然，佢嘅保暖效果一定有保證。佢咁貴嘅原因，係因為佢充絨量做得好，可以做到900+ fill power。Fill power越高，所包含的隔熱空氣就越多，因此隔熱性能就越好。當然羽毛來源同件褸嘅用料設計都影響羽絨嘅保暖效果。羽絨常用鵝和鴨的羽毛(Feather)，鵝絨(Goose Down) 的絨朵較大、較蓬鬆，所以會較輕。相反鴨絨 (Duck Down)絨朵較小，蓬鬆度較低，會令到件褸笨重，穿着時會感受到重量。
❄️羽絨品牌❄️
我根據咗實用性同功能性分類各大品牌，通常比較時尚美觀，有設計感，容易襯衫嘅實用性品牌，明顯價位都落係較高，大多數為CAD$1,000-CAD$2,000。比較出名有Canada Goose, Nobis, Moose Knuckles 等。較相宜嘅有Aritzia, Save the duck。Uniqlo, Nike等品牌都叫有羽絨褸，但我個人認為唔夠應付依邊嘅嚴寒天氣，可能適合初冬時節。
而功能性為主嘅品牌主要係戶外運動品牌為主，當然大部分都可以作為日常使用，但因為要應付戶外多變嘅天氣，所以物料、設計上會同時尚品牌截然不同。例如Arcteryx 嘅Gore tex, Columbia 嘅納米羽絨等。而大多數品牌價位落係CAD$600-CAD$1,000 ，相對較容易負擔，又可以戶外使用，適合會行山到戶外運動嘅用家。
睇到依度嘅你仲好苦惱買咩羽絨好？依家好多品牌都會係9月10月做Early sale，都可以趁依段時間睇吓有冇啱心水嘅羽絨。
另外我自己都會睇以下幾樣野去衡量買唔買依件羽絨。
1️⃣首先當然係要睇你想要咩款，功能性定實用性？
My Pick： 【Aritzia】CAD$200-400 （中等價錢，保暖＋防水防風＋Good Review）
我就想要實用性高，日常穿搭，時尚美觀，有設計感，同時容易襯衫。最好夠長，到小腿位置最好。因為之前係首爾住過一段時間，經驗話我知一件長羽絨就可以生存一個冬天，特別長款能夠包埋臀部同腳部，更能增減低體溫流失。而且當地有好多設計簡約而好睇嘅羽絨（最後都係買黑色蟲蟲款😂）。
而最後決定買Aritzia依個brand，一嚟多trendy款又多色，二嚟網上面都有唔少comment話加拿大天氣係啱用。雖然我都真係唔知暖唔暖，但佢個件Powder long 寫明係-40度都ok，仲防水防風，我都相信佢係可以嘅(如果唔係我都唔知買咩牌子好，其他品牌款唔係太貴就款式唔靚）。以依個價錢可以入手羽絨我係可以接受。另外都買咁件短版可以襯衫，又可以係無咁凍嘅日子着出街。兩件都有啲detail位令出街方便啲。
係research過程相比之下，加拿大當然氣候同韓國截然不同，而風格方面都好唔同，主要行戶外路線多。如果你會行山露營嘅話，當然買返戶外品牌會更好，相應嘅外套會更適合戶外環境，例如係輕便便攜易收納，或者係防水防風物料上更能抵擋風雨，保暖效果更好。
簡單嚟講，羽絨有長款（長度到臀、大腿、小腿）、短款（臀部以上）、可摺疊等款式，視乎大家需求揀返合適嘅羽絨。
［更多關於羽絨品牌可以睇返上一個post]
2️⃣睇tag：
- Fill power, fill weight, warmth chart,
到知道自己心水嘅羽絨款，可以睇下件褸適唔適合嚴寒用啦。第一時間當然睇吓佢嘅fill power 同 fill weight。如果無依兩項嘅數據，好大機會佢唔係羽絨嚟。而有啲品牌都明白消費者無咁易理解到當中有咩分別，會直接出warmth chart寫明件褸可以應付幾多度嘅氣候，都可以作為參考。
- Fabric：Proof/repellent 物料都係當中好重要嘅一環，無論件褸係咩款都好，最好都揀可以防水防風嘅效果。要留意返個tag係寫xx-repellent / resistance 定xx-proof，三個係功能上好大分別㗎！防水防風為最高級別，但都記得睇透唔透氣，如果唔係就會好似着便利店雨褸咁，入面出曬汗排唔走，會更加凍呀！依個重要到唔單只係For 買羽絨，買其他禦寒用品都要睇依一環！！
2.睇剪裁設計:
- 邊線造工：會唔會漏絨？
- 有冇內袋？側袋有冇fleece保暖？
- 有內袋就可以將所有嘅行裝放曬入羽絨入面，無論係水樽電話鎖匙都得
- 側袋有fleece就可以加強保暖，如果搵到有4個側袋嘅設計就更加好，又可以插袋，又可以放野。
- Slim cut? Loose cut?
- 重量/便攜度：
- 長度：包臀？包腳？
- 睇配件
- 帽：可拆？有毛邊？有索繩？
- 手袖：袖套
- 拉鍊：YYK拉鍊？有磁石/啪鈕包邊？
另外承接返上個Post，補充埋啲平價尋寶選擇，有唔少嘅鋪頭可以搵到好多冬天嘅衣物。Sports Chek, Marks, Mountain warehouse, Atmosphere 依啲會多啲戶外品牌嘅外套，而winners會多啲trendy但無咁好效果嘅款，但只要你花時間尋下寶，都會搵到啲好嘅羽絨。而唔少讀者都俾咗啲新嘅建議品牌！大家都可以參考埋！
暫時羽絨嘅分享就去到依度，唔知你有冇啲咩睇法呢？不妨留意話我知（羽絨嘅review就要等到入冬先俾到啦）希望幫到你！
#newtocanada #newtoalberta #newtocalgary #香港人在卡加利 #卡加利香港人 #卡加利 #卡加里生活 #加拿大生活 #lifeatcalgary #canada #alberta #calgary #yyc #owp #openworkpermit #hkowp #加拿大求職 #加拿大工作 #加拿大冬天#卡加利工作#加拿大生活 #卡加利生活#亞省#卡加利資訊#亞省#牛仔節#卡爾加里 #加拿大旅行#加拿大資訊 #加拿大移民 #加拿大🇨🇦 #加拿大救生艇計劃#冬天#冬天穿搭#羽絨