作為一個新手，最大的恐懼感就是不知道從何開始學習。首先需要認請駕駛要項，例如rules and regulation，再了解其中的技術細項。Pratise makes perfect，最重要還是經驗，經驗會慢慢令你成為一個更好的駕駛者。我自己學車嘅方法都係透過觀察＋實踐。因為我無太多時間可以上路練習，而且跟師傅學其實時間都唔夠講解所有技巧，我唯有靠全能嘅Youtube 學識揸車嘅技巧。
文章分類： Intersaction 路口｜Parking 停車 ｜行駛時｜ Highway 高速 ｜Brake 煞車 ｜Turning 轉彎
考試向教學
Zutobi Drivers Ed
美國的駕駛學校，雖然美國的路與加拿大的路未必完全相似，但因為instructor解釋詳細，而且每一步都有不同的角度分析，我大部分都會看她解說。
Drivers Ed Direct Driving School
美國的駕駛學校
Conduite Facile
好像是Quebec 的channel
新手上路 On the Road
廣東話北美駕駛channel，以BC省為主
你亦可以找一些左軚國家的駕駛教學，雖然不同地方的行車rules and practice不同，但大部分的技巧都是異曲同工之妙。如果不熟悉英文，可以找台灣的教學，最重要是先理解，後練習。
Video before driving test
雖然片段唔係講緊Alberta 嘅test, 但實際都係差唔多嘅內容。先了解考試情況同流程，到時考試個陣心會安定啲。
考試時最常犯錯誤
Intersection
Intersection有分好幾款，主要看有沒有交通燈(controlled intersection, uncontrolled intersection)、有冇停車牌(Stop sign)、讓車牌Yield Sign
而最重要的技巧是如何停車、誰有right of way、如何轉左轉右
停車： 交通燈signal, stop sign (one/ two/ three/ all way stop)
停車
考車會考Parallel Parking, uphill parking, downhill parking (hill parking會二選一), Curb side parking & Front-in parking. 全部Parking會入住宅區內進行及Registry進行Front-in parking (完結考試時）。
Curb side parking (路邊停車）
- 車身要同路肩平衡，
Parallel Parking S泊位：
- 打右方向燈，看後燈和側鏡，看盲點blind spot
- 停車至駕駛座到前車的後乘客座
- Reverse Gear, 向右轉軚一圈
- 看鏡慢慢鬆brake,將車輛停在45度位置
- 向左轉軚一圈（＝將軚盤轉直），看鏡慢慢向後，直至到預期位置
- 再將軚向左轉軚一圈，看鏡慢慢向後，直至到預期位置
- 到位置後再轉P檔 ＋Emergency Brake, 完成。
- 心法：
- 不斷要看鏡留意四周環境情況，一有任何情況要停車
- 轉向：右（較45度）👉直 (斜入parking 位）👉左 （將車較直）
Downhill parking：
- 打右方向燈，看後燈和側鏡，看盲點blind spot
- 踩實Brake, 轉N檔
- 將軚盤向右轉1.25 圈，握實軚盤
- 慢慢鬆brake，讓車子溜前直到車不能移動，有些情況下車子可能從始至終都不會移動的。
- 當車不再移動後，按往brake，掛 P檔，拉手殺，完成。
離開Downhill parking
- 按住腳殺，入R檔，放下手殺，
- 360度驗查一下，安全情況下輕輕按油門，讓車慢慢後退一點點
- 然後按腳殺把車停住，轉D檔，方向盤往左打一又四分一圈，
- 打左方向燈，看後燈和側鏡，看盲點blind spot
- 注意後方、反方向有沒有對頭車，安全情況下小心離開。
考官會睇幾樣野
- 有冇望啱鏡同望盲點：睇啱鏡意思係向右入睇右鏡，倒車睇後鏡，仲有睇鏡嘅時機同望幾耐都會影響考官嘅評價。
- 師傅同我講我只要一日都未落P波,都可以調整個位置。到你覺得啱位先落Parking，考官先會睇位計分。
行駛時
我一開始上路時最容易就是偏遠車道中心，很容易會靠左線行駛。最重要是要知道自己在哪個位置，如何微調修正。
高速
上highway對我嚟講係最大壓力嘅，因為車速快，當車流多嘅時間會好難切線，而且新手嚟講有太多情況要留意。我一開始都好驚要上高速， 但熟咗之後，我覺得行highway好過行普通嘅路， 因為車速好易控制， 唔使停下行吓。
- 加速帶及斷線Accelaration lane and Merge line： 一開始入高速嘅時候需要順應高速入邊嘅車速，千祈唔好太慢或者停低等。Merge line 記得要提早打方向燈, 大部份高速上面嘅車都會讓車俾你入線， 如果佢唔俾嘅， 你可以等佢過咗先（保持現有車速），記得睇鏡睇盲點， 安全情況下再入線。 大部份嘅merge line 都唔會咁快就斷線， 所以可以唔使咁緊張。
- 快線慢線： 通常最左邊係快線， 最右面係慢線。 如果唔係要cut線或者爬頭都唔好用快線， 我通常都會留喺中線， 因為慢線除咗有慢車之外， 仲有要睇埋入highway嘅車流， 相對會比較複雜， 所以如果唔係差唔多去到出口處， 我都唔會行慢線。
- 睇定幾時要離開high way： 留意離開嘅路線， 要預先切線到相應嘅路線。
- 盡量唔好踩brake: 因為highway嘅車速正常都去到80，其實只要你放油門，車速都好快會跌。 最重要係保持車與車之間嘅距離， 跟住車流嘅速度， 除非前面你見到有一堆車真係停緊慢緊， 咁你去到都可以踩brake收油。
Brake煞車
一開始完全未揸過車唔知道原來好嘅駕駛者係需要學識好好咁煞車。除咗對車嘅零件無咁大傷害之外，對你嘅乘客來講都係好重要。而且煞車嘅時機同技巧都會影響到道路安全。所以都要學識點好好咁煞車。
車與車的距離：2-3秒定律，有咩事都有時間反應停車
預判前面會發生嘅事去收油：例如見到有行人會過馬路、行人過路燈開始倒數（即交通燈將會轉燈）、有停車牌等。路面上有唔少嘅signal 話你知幾時要停車，唔好到最後一刻先踩brake，反而應該係一見到將會發生時就開始減慢車速，直到完全停定。
Stop sign: 唔係每個嘅stop sign位都會有stop line，有啲係因為兩側有阻擋物，需要你將車移前到能見嘅位置觀察車況，再繼續行車，特別係住宅區或者小路出大路會較多有依種情況。
打方向燈、看鏡、看盲點
Signal & check mirror and blind spot check是很重要的，而且很多時考試時沒有做會被扣分。無論是轉線、泊車，或者做任何會使用方向燈的動作，都記得打方向燈、看鏡、看盲點。
Turning 轉彎
加拿大轉彎概念同香港好唔同， 香港嘅轉彎，最緊要係睇 紅綠燈。但依度轉彎除咗睇紅綠燈，仲要睇行人同埋車流。 一開始學嚟講係有啲複雜， 但上手咗之後發現依個系統其實對道路暢通好有用。
首先一開始轉彎最難就係睇位， 我掌握唔到轉彎嘅速度同位置， 好多時都轉得太慢（扭軚動作太大太快， 車速太慢）， 或者係睇唔到路會上咗行人路。 但後期到了解車嘅size同埋車速後，開始知道轉彎嘅感覺係點樣。 一開始最好其實係喺停車場不斷練習轉彎， 特別係一啲sharp turn (90度轉)， 練習得多就會攞到感覺。
右轉： 有交通燈： 紅燈完全停定， 喺安全情況下可以右轉(小心行人）。 綠燈可以右轉， 同樣小心行人。
左轉： 除咗睇燈有冇綠色箭嘴可以俾你完全通過， 亦要睇有冇行人。 如果係綠燈嘅話就要睇隔離方向有冇車要直行， 有嘅要先俾佢過。 綠燈嘅時候可以慢慢向前揸到十字路口接近中間位準備， 有車就停，記得唔好預先扭軚向左（因為驚後車如果停唔切撞到， 你架車會衝咗去隔離線）。一旦冇車就可以轉左。
如果係冇任何交通燈嘅intersection， 咁你需要先望左方行車，望右方對面線行車， 再睇返左邊， 最重要都係等無車安全先好過， 係需要啲耐性先可以過到。
其他有用知識
學車其實都係熟能生巧， 今次嘅整合都係我自己學車嗰陣睇返嚟嘅參考同記錄， 相信可以幫到好似我未揸過車嘅朋友對學車嘅恐懼同壓力減到最低， 亦希望以上資料可以幫到大家順利考得駕駛執照！